sábado, 10 de mayo de 2014

:: PRESENTACIÓN NA FERIA DEL LLIBRU Y EL DISCU D'AVILÉS

Esta tarde, a les ocho, presentaremos les novedaes lliteraries d'estos últimos meses na Feria del Llibru y el Discu d'Avilés.
Equí vos dexamos los tres Llibru-Trailers de los títulos 'El misteriu de les histories que s'escribíen soles', 'Una mascota pa Carola' y 'El misteriu del Vassilius Destounis'. Nel alcuentru d'esta tarde tarán presentes Jorge Fernández y Enrique Carballeira

viernes, 9 de mayo de 2014

:: PRESENTACIONES EN SAMARTÍN DEL REI AURELIO

Equí dexamos delles semeyes de les actividaes qu'entamamos estos díes en Samartín del Rei Aurelio colos rapazos del conceyu. Pasámoslo perbien y notamos una rimpuesta mui bona y agradecía por parte de toos. 
Dende Asturtoons queremos tamién davos les gracies por danos fuercies pa siguir creyendo nesta aventura editorial.
Y gracies especiales pa Hugo, pol bon llabor que fai y polo bien que nos atendió na Casona del Bravial.




jueves, 1 de mayo de 2014

· ASTURTOONS NA SELMANA DE LES LLETRES DE SAMARTÍN DEL REI AURELIO

Llega la Selmana de les Lletres n'Asturies. Amás de les actividaes institucionales qu'entama'l Principáu, dalgunos conceyos como Samartín tamién facen actividaes perguapes. Y nesti casu la nuesa editorial va tar presente como invitada pa presentar les sos novedaes y entamar delles actividaes colos rapazos.


Estes actividaes van completase con una esposición que se pue visitar na Casona del Bravial, en Blimea.

 

Más información na web del conceyu:

miércoles, 30 de abril de 2014

· NOVEDÁ: EL MISTERIU DE LES HISTORIES QUE S'ESCRIBÍEN SOLES


Equí tenemos un nuevu llibru y una nueva y fantástica historia firmada por Xavier Frías Conde. 'El misteriu de les histories que s'escribíen soles' falanos d'un rapaz un pocu vagu y folgazán, Alberto. Nun-y presta facer les redaiciones y los cuentos que-y manda la maestra pero, casi por arte de maxa, llega-y la solución. ¡Y menuda solución!
Perguapa narración col bon facer lliterariu de Frías Conde y les ilustraciones a too color d'Enrique Carballeira.

Asina entama'l llibru:

"Alberto yera un rapaz normal.
Normal, anque daqué galbanosu.
Nunca nun tenía ganes de faer los deberes.
De fechu, inventaba miles d'escuses pa non los facer.
Una vez hasta dixo que'l mundu taba pa rematar, con que ¿pa qué diba molestase en facer los deberes?..."

* EL MISTERIU DE LES HISTORIES QUE S'ESCRIBÍEN SOLES
Xavier Frías Conde
Ilustraciones d'Enrique Carballeira
Tamañu A5 a color / Encuadernáu en rústica con solapes
32 páxines
Col sofitu de la Conseyería d'Educación Cultura y Deporte del Principáu d'Asturies