miércoles, 23 de febrero de 2011

::: PRESENTACIÓN DE 'DINGURINDAINES' EN XIXÓN




Fai unos díes tuvimos la oportunidá de facer una nueva presentación de DINGURINDAINES na llibrería LA BUENA LETRA, de Xixón, ante un bon númberu de persones, neños y mayores. Na presentación tuvieron l'autora, Cristina Muñiz, y l'ilustrador, Enrique Carballeira, que fixo dalgunos dibuxos pa tolos rapazos presentes. Queremos agradecer la perguapa presentación que nos fixo Mar Martín, de la biblioteca virtual, Xosefa Canellada. Estes son dalgunes semeyes.

:: Days ago we've been presenting our book DINGURINDAINES in Xixón before a good group of friends and readers. The author, Cristina Muñiz, and the illustrator, Enrique Carballeira, were there. We want to thanks Mar Martin for her introduction.





jueves, 17 de febrero de 2011

::: NOVEDÁ: "Y FORON FELICES..." / NEW BOOK: "Y FORON FELICES..." (AND THEY WERE HAPPY, BUT...)


::: Y Foron Felices pero...
Y ehí queda la cosa, porque esti llibru, anque lo paezca, anque tenga rei, príncipe y princesa, nun cuenta una historia convencional.

::: La historia
Xavier Frías Conde preséntanos una historia reivindicativa y de denuncia de la discriminación relixosa, antroxada de cuentu de príncipes y princeses.
El príncipe tá enamoráu y quier casar cola so moza. Pero pronto entamen los problemes poles distintes opiniones que dan los conseyeros y sabios reales, crítiques cola decisión...


Xavier Frías Conde (Béjar, 1965) ye un amante de les llingües y la lliteratura. Profesor de gallegu y portugués na UNED escribe dende los sos tiempos d'estudiu de maxisteriu, onde descubrió la so vocación.
Amás de n'asturianu, tamién escribe y publica histories en castellán, gallegu, catalán, sardu, inglés, portugués, italianu...

El llibru tá ilustráu por Enrique Carballeira.
Y FORON FELICES PERO... Tapa dura, 22x22 centímetros. 28 páxines en color.