jueves, 8 de enero de 2009

NUEVU CANAL DE NARDO Y QUINA

La tira d’humor ‘Les Coses de Nardo y Quina’ que s’espublicen en tres selmanarios asturianos tienen un nuevu canal o blog n’Internet, onde los llectores puen siguir toles selmanes les sos aventures y comentarios, munches veces surrealistes, sobre l’actualidá. A esti sitiu web pue llegase al través de la páxina d’asturtoons o bien direutamente na direición http://nardoyquina.blogspot.com.

Nardo y Quina, el primu  Bartolo, los chones, vaques, xabalinos y otros munchos personaxes creaos pol dibuxante, Enrique Carballeira, comenten en cada tira dellos temes de l’actualidá o cenciellamente sobre cualesquier cosa que tenga que ver col comportamientu humanu (y animal).

‘Les Coses de Nardo y Quina’ espublícense dende l’añu 1992 en formatu de tira cómica. Naquel tiempu entamaron a asoleyase nel periódicu EL FIELATO. Nestos últimos años tamién apaecen en los selmanarios EL NORA y EL NARCEA. Hasta’l momentu publicáronse cuatro llibros de los personaxes.